هەڤپەيڤينا جڤاكا كوردان بسەيدايێ بَدِيعُ الزَّماَنْڕَه: ڕەچەتا كوردان -٥٤

عبد الصمد حلميبسم الله الرحمن الرحيم

س: - ﴿دەرحەقێ ئيتتيحادو تەرەققيێدە ڕەئيا تە چيە؟﴾

ج: - ﴿دگەل كو ئەز قيمەتا وان تەقدير دكم ژى بەس ئيحتيرازا من ژ شددەتا سياسەتمەدارێن وان ڕە هەيە. هێڤى هەيە كو ئەو شيددەت وەرگەڕە ببال پۆشمانى ئو شەفقەتێ ڤە. بەس ژهێلا ئابۆرى ئو مەعارفێ ڤە ئەز شوعبەيێن وان -تايبەت لويلايەتێ شەرقييە- قەنج دبينم و تەقدير دكم.﴾

سياسەتمەدارێن ئيتتيحاد و تەرەققيێ لهەمبەر خەلكێ گەلەك بشددەتن، ئەز وێ شددەتێ قەبول ناكم[1] بەس هێڤيا من ژوان هەيە كو ژ شددەتێ پۆشمان ببن و نەرم ببن، شوعبەيێن وانى كو ژبۆ فێدا خەلكى دشغولن حەتا دەرەجەكى ئەز قەنج ددێرم. (بەس ڤێ پاشيێ دياربو كو ئيتتيحاد و تەرەققي ژبۆ ماسۆنا ئيش دكە ئو دبن چاڤدێريا غەربێ دەيە)

س: - ﴿سەبەبێ كو ئەم كەتنە زندانا عەطالەتێ چيە؟﴾

ج: - ﴿حەيات موجادەلەيە، ئيشتياق ژى بارهلگرێ وێ يە﴾

حەيات بخو موجادەلە يە، خەباتە، تەڤگەڕە. نە موجادەلا بخەلكێڕە، موجادەلا ژبۆ دەوام و پێشكەتنێ يە. ئينسان موكەللەفە كو ژبۆ دين و دونيا خوە بخەبتە، باز بدە، لهەمبەر موصيبەتا صەبر بكە. دە ئيژا ئيشتياق ژى ماتيەيا حەياتێ يێ، يانى بارێ وێ هلدگرە. ئينسان ئانجاخ ئيشتياقێ حەياتا خوە ددۆمينە.

﴿دەما هممەتا وە لئيشتياقێ سوار بو ئو دەركەت مەيدانا موبارەزەيا حەياتێ، پێشى دوژمنێ شەديد كو يەئسە دەردكەڤە پێشيا وى. قووەتا وي يا مەعنەوى دشكينە. هون لهەمبەر وى دوژمنى شورێ لاَ تَقْنَطُو بكشينن﴾

دەما كو هون ژبۆ موجادەلا بحەياتێ ڕە دەركەتن مەيدانێ هونێ گەلەك ئاستەنگيان ببينن، لازمە هون ڤانا تەڤا دەرباس بكن. دسەرى دە ژى بێهێڤىيبون وێ دەركەڤە پێشيا وە، وێ بخوازە وە بێهێڤي بكە، وێ بێژە "تو نكارى ڤى كارى بكى." وێ بخوازە كو قووەتا وە يا مەعنەوى بشكينە، دەست و نگێ وە بشكينە. لهەمبەر وى دوژمنى هون ئايەتا لاَ تَقْنَطُو (بێهێڤى نەبن) ببير بينن، يانى بڤى شورى لێخن، هێڤيا خوە نەشكينن، بشەوق و هێڤيێ ئاستەنگيان دەرباس بكن.

﴿پشتڕە، خزمەتا حەقيێ كو بێ زەحمەتى تێ كرن، ئيستيبدادا مەيلا تەفەووقێ (بسەركەتنێ) دەست بهجومێ دكە ئو دخوازە جيێ وێ  بگرە، دەربەكێ لسەرێ هممەتێ دخە ئو وێ ژ هەسپێ وێ تينە خوارێ. هون دڤێدەرێدە حەقيقەتا كُونُو لِلَّه دەرخن پێشيا ڤى دوژمنى﴾

خزمەتا د ڕيا حەقيێ دە بێ زەحمەتى تێكرن، هەركەس كارە بكە، ئەڤ طەبيعەتێ وێ يە. د ڤى حالى دە جارنا ئينسان نە ژبۆ خودێ، ژبۆ كو بسەر هەڤال و ئينسانێن دن بكەڤە دەست بخەباتێ دكە. دبێژە "برا ئەز ژى مالداربم، برا مال و مولكێ من هەبە، برا خانى و عەرەبە و ڤيلايا من هەبن، برا پەرێ من پڕبن ئو حالێ من ژئێ خلكێ چێتر بە." بڤى ڕەنگى ڕزائا خودێ ژبير دكە، ژ خزمەتى بپاش دكەڤە، ئەڤ هەست دەربێ لغيرەتا دينى (هيممەت) دخە كو ئيدى ئينسان لنەفسا خوە تەنێ دفكرە.

هون لهەمبەر ڤى دوژمنى حەقيقەتا "كُونُو لِلَّه"، "ببن ژبۆ خودێ"، يانى "ژبۆ ڕەقابەتا بخەلكێ ڕە نەشوغولن" دەرخن پێش. چمكى د خزمەتا حەقيێ دە نە ڕەقابەت هەيە نە ژى ئەو مەيلا بسەركەتنا كو دروحێ ئينساندە زەحمەتيێ چێ دكە هەيە. هون خزمەتا د دائيرا سوننەتە دە ئەساس بگرن، مەيلا ببال دونيايێ ڤە ژگوهێ خوە باڤێژن.

﴿پشتڕە، عەجەلەكرنا دەرباسكرنا تەرتيبا سلسلەيێن عللەتان دەردكەڤە پێش، مەرەڤ گێژ دكە، نگێ هممەتێ دشەمطينە. هون "وَاصْبِرُوا وَصَابِرُوا وَرَابِطُوا" بكن سيپەر﴾

ئەڤدەر دونيايا ئەسبابا يە، حەتا كو مەرەڤ ئەسبابا بجى نەينە مەرەڤ ناگهيژە هەدەفێ. خزمەتا د ڕيا حەقيێ دە ژى نە ئيستيسنايە ژڤى قاعيدەيێ كوللى. خودێ تەعالا كارە بێ سەبەب ژى چێكە لێ ناكە، ئەڤ سوننەتو اللهە.

عەجەلەكرن ژ شەيطانە. عەجەلەكرن، تەرتيبا سلسلا عللەتان خەرادكە يان ژى تەڤلهەڤ دكە ئو بڤى شەكلى نگێ هيممەتا دينى، غيرەتا دينى دشەمطينە.

دەما كو مەرەڤ ڕيعايەتا ئەسبابا نەكە ئو عەجەلە بكە مەرەڤ ناگهيژە هەدەفا خوە ئو غيرەتا مەرەڤ دشكێ، هەوەس نامينە.

ژبۆ كو دارەك فێكى بدە لازمە زەمانكى موعەييەن دسەر ڕە دەرباس ببە، لازمە هنك شرط وەرن جى. ژبۆ كو هون كاربن بچن سەر بان لازمە يەك بيەك هون پيل تەمامێ پێلكا بكن. حەتا كو هون گەنم ناڤێژن هێڤيا نان نەكن. هون خوە بڤێ ئايەتێ بگرن:

"وَاصْبِرُوا وَصَابِرُوا وَرَابِطُوا" يانى: هون صەبر بكن، دصەبركرنێ دە بسەر دوژمنێ خوەكەڤن، دوژمنێ خوە لپاش بهێلن ئو خو بهەڤبگرن. هون ڤى ئەمرێ بصەبركرنێ يێ ئيلاهى لهەمبەر دوژمنێ عەجەلەكرنێ بكن سيپەر.